சிறு நிறுவனப் பங்குகள் (Small Caps) பெரிய வெகுமதிகளைத் தரக்கூடியவை. ஆனால், அவை அதீத ஒழுக்கத்தையும், பொறுமையையும் கோருபவை.

நமது 21 ஆண்டுகாலத் தரவு பகுப்பாய்வு, நீங்கள் வாங்கும் விலையே அனைத்துக்கும் ஆதாரம் என்பதையும், இந்த சந்தையின் தவிர்க்க முடியாத ஏற்ற இறக்கங்களை எப்படித் திறம்படச் சமாளிப்பது என்பதையும் தெளிவாகக் காட்டுகிறது.

முறையான முதலீட்டின் (SIP) சக்தியைப் பயன்படுத்தி, நீடித்த செல்வத்தை உருவாக்க எனது புத்தகம் 📘 SIP: Demystification of SIP for Financial Freedom -ஐ படியுங்கள். அச்சுப் பிரதிகளுக்கு (Hard Copies) மற்றும் புத்தகத்தை தமிழில் படிக்க நேரடிச் செய்தி அனுப்பவும்.

✨ PDF ஆக தரவிறக்கம் செய்ய இங்கே தொடவும் — ஆஃப்லைன் வாசிப்புக்கும், சமூக ஊடகங்களில் நண்பர்களுடன் பகிர்வதற்கும் ஏற்றது!

ஸ்மால் கேப் முதலீடுகள் சொல்லும் கதை என்ன?

21 ஆண்டு தரவுகள் சொல்லும் கதை: வாங்கும் விலையே ஆதாரம்

சின்னச் சின்ன நிறுவனங்களின் பங்குகள் நல்ல லாபம் தரும் என்பது நமக்குத் தெரியும். அதனால்தான் விடாமல் முதலீடு செய்து வருகிறோம். ஆனால் இதில் ஒரு பெரிய "ஆனால்" இருக்கு - எல்லோருக்கும் லாபம் கிடைச்சதா? அங்கங்கே வருத்தம் தோணுதா? அப்படின்னா வாங்க, ஸ்மால் கேப் பங்குகளோட 21 வருட பயணத்தை பார்ப்போம். அது சொல்லும் கதையை தெரிஞ்சுக்குவோம். புதுசா ஏதாவது கத்துக்குவோம். நஷ்டத்தை குறைப்போம், லாபத்தை தக்க வச்சுக்குவோம்! உண்மையைச் சொல்ல வேண்டுமென்றால், இன்று நுழைவது சரியான நேரமா? ஏன் என்று தரவுகளோடு பார்ப்போம்.

மூன்று முக்கிய காலகட்டங்கள்

முதல் பருவம்: 7 வருட நஷ்ட காலம் (2007-2014)

விவரம்	மதிப்பு
தொடக்கம் (2007)	7,503.50
முடிவு (2014)	6,263.35
மொத்த நஷ்ட சதவிகிதம்	-16.5%
பணவீக்கத்திற்கு பிறகு	-25% முதல் -30%

சரித்திரம் சொல்வது 2007 இல் முதலீடு செய்தவர்களுக்கு ஏழு வருடங்கள் கடந்தும் லாபம் கிடைக்கவில்லை என்பதே நிதர்சனமான உண்மையாக இருக்கிறது

💡 உண்மை: நீண்ட கால முதலீடு என்பது மந்திரக் கோல் அல்ல - வாங்கும் விலை தவறானால், எத்தனை வருடம் காத்திருந்தாலும் பயனில்லை.

இரண்டாம் பருவம்: 11 வருட அசமந்தம் (2008-2019)

விவரம்	மதிப்பு
தொடக்கம் (ஜனவரி 2008)	10,124.42
முடிவு (ஜனவரி 2019)	13,926.22
மொத்த லாப சதவிகிதம்	+37.5% (11 வருடத்தில்)
வருடாந்திர வருமான சதவிகிதம் ( CAGR )	2.9% மட்டுமே!
பணவீக்கம் (சராசரி)	5-6%

பதினோரு வருடம் பிடித்திருந்தும், பணவீக்கத்தை விட குறைவான வருமானம்! நமது பணத்தின் உண்மையான மதிப்பு குறைந்துவிட்டது. 2009-ல் அடிமட்டத்தில் வாங்கியிருந்தால் மட்டுமே நல்ல லாபம் - இதெல்லாம் எல்லோருக்கும் சாத்தியமான ஒன்றா ?

💡 உண்மை: பதினோரு வருடம் காத்திருந்தும் வருடாந்திர வருமான சதவிகிதம் 2.9% மட்டுமே - இது நிலையான வங்கி வைப்பு (FD) வட்டியை விடக் குறைவு!

மூன்றாம் பருவம்: 4 வருட விழா காலம் (2021-2025)

விவரம்	மதிப்பு
தொடக்கம் (ஜனவரி 2021)	17,988.20
உச்சம் (ஜனவரி 2025)	55,700.00
மொத்த லாப சதவிகிதம்	+209.6% (நான்கு வருடத்தில்!)
வருடாந்திர வருமான சதவிகிதம் CAGR	32.7%
தற்போதைய நிலை (ஜனவரி 23, 2026)	46,825.31
உச்சத்திலிருந்து வீழ்ச்சி	-15.9%

சில மாசத்துக்கு முன்னாடி வரைக்கும் சமூக ஊடகங்கள் எங்கு பாத்தாலும் ஸ்மால் கேப் கதைதான். இன்னிக்கு அந்த சப்தம் எங்கே போச்சு? வெளிநாட்டு முதலீட்டாளர்கள் ₹1.55 லட்சம் கோடியை எடுத்துட்டு வெளியேறினாங்க. அவங்களோட சேர்ந்து அந்த சத்தமும் மறைஞ்சு போச்சா ?

16% வீழ்ச்சி கண்முன்னாடியே தெரியுது - இன்னும் எவ்வளவு இறங்கும்னு கண்ணுக்கு தெரியலே

⚠️ எச்சரிக்கை: சந்தை ஏறுவதும் இறங்குவதும்; இயற்கையே, சரியாக புரிந்து கொள்வதே சாலச் சிறந்தது

பங்குகளின் வகைகள் - இப்போதைய நிலை

வகை	2023-25 ஏற்றம்	தற்போதைய நிலை (ஜன 2026)	குறிப்பு
🚀 "ராக்கெட்" பங்குகள் (80+ P/E, நம்பிக்கை மட்டும்)	+400% to +600%	-35% to -50%	பேராசையால் உயர்ந்தது பணப்புழக்கத்தால் குறைந்தது
⭐ "நிலையான நிறுவனங்கள்" (15%+ ROE, 25 P/E-க்கு குறைவு)	+150% to +200%	-10% to -15%	சந்தையின் ஏற்ற இறக்கங்களை சமாளிக்க கூடியவை
📊 "இண்டெக்ஸ் சராசரி" (BSE ஸ்மால்கேப் 250 பங்குகள்)	~80% (2 வருடம்)	-15.9%	இறங்குவது எதிர்பார்த்ததுதானே

முக்கிய செய்தி: ஏற்ற காலத்தில் எல்லாமே உயரும். இறக்க காலத்தில் தரமான பங்குகள் மட்டும் உயிர் பிழைக்கும் - இதில் 25-40% வித்தியாசம் இருக்கும்!

வெளிநாட்டு பணம் வெளியேறுவது ஏன்?

2025-ல் வெளிநாட்டு முதலீட்டாளர்கள் ₹1.55 லட்சம் கோடி வெளியேற்றினார்கள். ஸ்மால் கேப் பங்குகளுக்கு இது மிகப்பெரிய அடி - ஏனென்றால் இவற்றில் வாங்க விற்க ஆள் குறைவு (குறைந்த லிக்விடிட்டி).

2026-க்கான உங்கள் செயல் திட்டம்

உங்களிடம் ஏற்கனவே ஸ்மால் கேப் பங்குகள் இருந்தால்:

✅ உங்கள் பங்குகளை "ராக்கெட்" vs "நிலையான நிறுவனங்கள்" என பிரித்துப் பாருங்கள்

"ராக்கெட்" பங்குகளில் (அதிக P/E,) 30-50% விற்றுவிடுங்கள்
"நிலையான நிறுவனங்கள்" (குறைந்த கடன், நல்ல பணப்புழக்கம்) வைத்திருங்கள், கூடுதலாக வாங்குங்கள்

✅ மூன்று முக்கிய கட்டளைகளை கவனியுங்கள்:

கடன்-மூலதனம் விகிதம் < 0.5
மூன்று வருடமாக பணப்புழக்கம் வரவாக இருப்பது
நிறுவன உரிமையாளர் பங்கு > 50%

நீங்கள் இப்போது ஸ்மால் கேப்பில் முதலீடு செய்ய நினைத்தால்:

✅ 12+ வருட சரித்திரத்தை நினைவில் கொள்ளுங்கள்:

ஸ்மால் கேப் பங்குகள் 12+ வருடங்கள் சரிவிலோ அல்லது அசைவற்றோ இருக்கலாம்
வாங்கும் விலையே "நீண்ட கால" முதலீடு சம்பாத்தியம் தருமா, இல்லை காத்திருப்பா என்பதை தீர்மானிக்கிறது
ஒரே தடவையாக வாங்காதீர்கள், SIP மூலம் சராசரிப்படுத்துங்கள்

✅ மூன்று நிலைப்படுத்தல் அறிகுறிகளுக்காக காத்திருங்கள்:

அயல்நாட்டு பணவரவு திரும்ப தொடங்கும்போது (தற்போது மைனஸ்)
வருவாய் வளர்ச்சி அதிகரித்தால் (தற்போது மந்தம்)
மதிப்பீடு குறைந்தால் (P/E < 25x)

முடிவாக

ஸ்மால் கேப் பங்குகள் தீண்ட தகாதவை அல்ல. ஆனால் அதிக ஏற்ற இறக்கம், சூழலில் சுழல்பவை. வாங்கும் விலையும் பொறுமையும் அத்தியாவசியமான ஒன்று.

2005-2026 தரவுகள் மூன்று தெரிவுகளை நமக்கு கற்பிக்கின்றன:

பல வருட நஷ்ட காலம் சாத்தியம்
குறைந்த வருமான காலங்கள் நிகழலாம்
எதிர்பார்த்ததை விட ஏற்றங்கள் அதிகமாக இருக்கலாம் சரிவும் தொடரும் என்பதும் சாத்தியமே

2026-ல் கேள்வி "ஸ்மால் கேப் ஏறுமா?" அல்ல. இறங்குமா என்பதல்ல கேள்வி உங்களால் எத்தனை வருடங்கள் அந்த சந்தையில் காத்திருக்க முடியும்?

பெரும்பாலானவர்களால் முடியாது. அதனால்தான் உங்கள் மொத்த ஈக்விட்டி போர்ட்ஃபோலியோவில் ஸ்மால் கேப் 15-20%-க்கு மேல் இருப்பது அவ்வளவு நல்லதல்ல.

பொறுப்பு துறப்பு

இந்த பகுப்பாய்வு கல்வி நோக்கத்திற்கு மட்டுமே, தனிப்பட்ட முதலீட்டு ஆலோசனை அல்ல. ஸ்மால் கேப் ஈக்விட்டி முதலீடுகள் அதிக ரிஸ்க், கடுமையான ஏற்ற இறக்கம், லிக்விடிட்டி பிரச்சனைகள் கொண்டவை - மூலதனம் முழுவதும் இழக்க நேரிடலாம்.

கடந்த கால செயல்திறன் எதிர்கால முடிவுகளுக்கு உத்தரவாதம் அல்ல. மியூச்சுவல் ஃபண்ட் முதலீடுகள் சந்தை ரிஸ்க்குகளுக்கு உட்பட்டவை. முதலீடு செய்யும் முன் எல்லா ஸ்கீம் தொடர்பான ஆவணங்களையும் கவனமாக படியுங்கள்.

ஆக்கம் : கண்ணன் M, AMFI பதிவு பெற்ற மியூச்சுவல் ஃபண்ட் விநியோகஸ்தர்
தரவு ஆதாரங்கள்: BSE ஸ்மால்கேப் இண்டெக்ஸ் (அதிகாரப்பூர்வ), SEBI பொது அறிவிப்புகள், NSDL FPI அறிக்கைகள்
பகுப்பாய்வு தேதி: ஜனவரி 24, 2026

பகுப்பாய்வு முறை: AI உதவியுடன் கூடிய ஆராய்ச்சி + மனித நிபுணத்துவம் | நடுநிலையான, தரவு சார்ந்த ஈக்விட்டி பகுப்பாய்வு தகவலறிந்த முடிவுகளுக்காக

கண்ணன் உடன் இணைய:

சந்தேகங்களுக்கு தொடர்பு கொள்ளுங்கள் வலைப்பூ வழியாக:

வலைப்பதிவு: https://radhaconsultancy.blogspot.com/

#ஸ்மால்கேப்முதலீடு #சந்தைஉண்மைகள் #முதலீட்டுஆலோசனை #தமிழ்நிதிக்கல்வி

Radha Consultancy

Success Stories

Monday, 26 January 2026

சிறு நிறுவனப் பங்குகள் (Small Caps) குறித்த விரிவான ஆய்வு வெளியீடு (ஜனவரி 2026 தரவுகளுடன்)